TOShKENT, 17 sen — Sputnik. Moskva markazida birinchi “Yevroosiyo” do‘koni ochildi, deya xabar berdi, “Yevroosiyo” tashkiloti matbuot xizmati.
Do‘kon Yevroosiyo savdo uyi ko‘magida ish boshladi. Uning rastalaridan Yevroosiyo mamlakatlari – Armaniston, Ozarbayjon, Belarus, Qozog‘iston, Qirg‘iziston, Moldova, Rossiya, O‘zbekiston va boshqa mamlakatlarning noyob milliy mahsulotlari o‘rin olgan.
Jumladan, pishloqlar, mevalar (qovun, tarvuz, uzum, nok), murabbolar, sharbatlar, shokolad, sut mahsulotlari va boshqa ko‘p narsalar. Ikkinchi qavatda qandolat, choy va shirinliklar sotiladigan shinam milliy qahvaxonani joy olgan.
Ish vaqti: soat 9:00 dan 23:00 gacha tanaffus va dam olish kunlarisiz.