TOShKENT, 6 sen — Sputnik. AQSh Adliya vazirligi RT telekanali xodimlarini ijtimoiy tarmoqlarda millionlab ko‘rilgan mashhur videolarni tarqatishda aybladi, deb xabar beradi “National Public Radio”.
“Chorshanba kuni Adliya vazirligi Rossiyaning RT davlat teleradiokompaniyasining ikki xodimini ijtimoiy tarmoqlarda millionlab ko‘rilgan videoroliklarni yaratishni yashirin moliyalashtirish va boshqarish sxemasini yaratishda aybladi”, — deyiladi materialda.
Aniqlik kiritilishicha, gap Konstantin Kalashnikov va Yelena Afanasyeva haqida ketmoqda. Ular ko‘p sonli obunachilarga ega bo‘lgan blogerlar bilan shartnoma tuzgan kompaniyaga deyarli o‘n million dollar o‘tkazganliklari da’vo qilinmoqda. Shuningdek, YouTube'da 16 milliondan ortiq ko‘rilgan ikki mingga yaqin videoni joylashgani aytilmoqda.
“NPR” ma’lumotlariga ko‘ra, pul o‘tkazilgani taxmin qilingan kompaniya Nashvillda ro‘yxatdan o‘tgan "Tenet Media".
"Rossiya segodnya" media guruhi va RT telekanali bosh muharriri Margarita Simonyan Amerika rasmiylarining ayblovlariga munosabat bildirib, G‘arb OAVlari paranoyya xurujiga duchor bo‘lganini aytdi.
“AQSh Adliya vazirligi saylovlarga aralashish va Rossiya hikoyalarini tarqatish uchun RT ko‘p millionli auditoriyaga ega bo‘lgan ba’zi yirik konservativ blogerlarni yollaganini da’vo qilmoqda. Shuning uchun men va mening besh nafar hamkasblarimga sanksiya ham qo‘llanilgan. Blogerlar, albatta, hamma narsani inkor etadilar, lekin yana nima qilishlari mumkin?”, — deb yozdi u Telegram-kanalida.
Bir kun avval AQSh “Rossiya segodnya” media guruhi, RIA Novosti, RT, TV-Novosti, "Ruptly" va "Sputnik" agentligiga qarshi sanksiyalar joriy qilgan edi. AQSh Moliya vazirligining ta’kidlashicha, ushbu ommaviy axborot vositalari xorijiy missiyalar ro‘yxatiga kiritilgan va Oq uy rahbarining bo‘lajak saylovlariga aralashganliklarini isbotlovchi ma’lumotlar uchun o‘n million dollargacha mukofot e’lon qilgan.
Bundan tashqari, yangi cheklov choralari Simonyan va RT’ning bir nechta top-menejerlariga, jumladan, Kalashnikov va Afanasyevaga ta’sir ko‘rsatdi. Ular, AQSh bosh prokurori Merrik Garlendning ta’kidlashicha, "pul yuvish uchun fitna uyushtirish va xorijiy agentlarni ro‘yxatga olish to‘g‘risidagi qonunni buzish"da ayblanmoqda.
Rossiya TIV rasmiy vakili Mariya Zaxarovaning ta’kidlashicha, Moskva “Rossiya segodnya” media guruhiga qarshi sanksiyalarga javob tayyorlamoqda. U ularning kiritilishini gibrid sxema deb atadi, uning yarmi hatto AQShdagi foydalanuvchilar, tashkilotlar va tuzilmalarga ham noma’lum. Diplomatning so‘zlariga ko‘ra, bu bo‘lajak prezidentlik saylovlari oldidan Amerika chuqur davlati va razvedka xizmatlari ishtirokida tayyorlangan axborot kampaniyasidir.