TOShKENT, 5 sen — Sputnik. Rossiya rahbari Vladimir Putin Sharqiy iqtisodiy forumning yalpi majlisida O‘zbekistonda allaqachon 37 million aholi istiqomat qilayotgani, jumladan, mamlakat iqtisodiyoti o‘sib borayotganini ma’lum qildi.
Uning so‘zlariga ko‘ra, O‘zbekistonda aholi soni har yili bir millionga o‘smoqda. “U yerda allaqachon 37 million aholi yashaydi. Yaqinda 40 million va undan ko‘p bo‘ladi. Shu bilan birga iqtisod ham o‘smoqda. Demak, aholining energiya resurslariga ehtiyoji ortib boradi”, - dedi Rossiya rahbari.
“Ularning tashqi bozorlarda ham majburiyatlari bor, albatta, respublika qo‘shimcha resurslarni talab qiladi. O‘tgan yili Toshkentda harorat -21° bo‘ldi. Bu, ehtimol, tarixda hech qachon sodir bo‘lmagan. Bizda esa shunday resurslar bor”, — dedi Putin.
Shuningdek, u Moskva Turkmaniston bilan harakatlarni muvofiqlashtirishini, Eron esa Rossiyadan "zangori yoqilg‘i" yetkazib berishni so‘raganini ham ta’kidladi.
Ma’lumot uchun, Sharqiy iqtisodiy forum 3-6 sentabr kunlari Vladivostokdagi Uzoq Sharq federal universiteti kampusida bo‘lib o‘tmoqda. Uning asosiy mavzusi “Uzoq Sharq – 2030. Imkoniyatlarni yaratib, kuchlarni birlashtiramiz”.
Sputnik — Sharqiy iqtisodiy forumning bosh axborot hamkori hisoblanadi.