TOShKENT, 29 avg — Sputnik. Ukraina Qurolli kuchlarida Krasnoarmeysk yo‘nalishida katta muammolar bor, dedi britaniyalik ekspert Aleksandr Merkuris o‘zining ijtimoiy tarmoqdagi sahifasida.
"Biz Ukraina Qurolli kuchlarining Pokrovsk (Krasnoarmeysk) yo‘nalishidagi butun front chizig‘i qanday qulab tushayotganini va bu yashin tezligida sodir bo‘layotganini ko‘rmoqdamiz", — dedi u.
Mutaxassisning rus harbiylari shaharni nazorat qilgandan so‘ng ularning moddiy-texnik ta’minoti yaxshilanadi va bundan foydalanib, Dnepr tomon oldinga siljishlari mumkin bo‘lishiga ishonchi komil.
Ma’lumot uchun, Krasnoarmeysk – DXRning shimoli-g‘arbiy qismidagi viloyat markazi. 2022-yil holatiga ko‘ra, shahar aholisi 61 ming kishidan ortiq edi. Shaharda katta temir yo‘l kesishmasi mavjud bo‘lib, u orqali Doneskni Ukrainaning Dnepropetrovsk viloyati bilan bog‘lovchi avtomobil yo‘llari o‘tadi.