TOShKENT, 25 avg — Sputnik. Amerikalik tadbirkor Ilon Mask Telegram asoschisi Pavel Durovni ozod qilishga qaratilgan chaqiruvlarni qo‘llab-quvvatladi.
Ilon Mask #FreePavel xeshtegi orqali bir kun avval Fransiyada hibsga olingan Pavel Durovni ozod qilishga chaqirayotgan ijtimoiy tarmoq foydalanuvchilarini qo‘llab-quvvatladi.
U o‘zining X ijtimoiy tarmog‘ida "#FreePavel", deb yozdi.
Amerika saylov poygasining sobiq ishtirokchisi Vivek Ramasvamining so‘zlariga ko‘ra, X ijtimoiy tarmog‘i va milliarder Ilon Maskni Telegram messenjeri va uning asoschisi Pavel Durov duch kelgan muammolar kutmoqda. Davlat dumasi deputati Aleksandr Yakubovskiy RIA Novostiga ma’lum qilishicha, Pavel Durovning hibsga olinishi Yevropada total senzura o‘rnatishga urinishda odamni garovga olish zarurati tufayli sodir etilgan mutlaq sinizmga o‘xshaydi.
Eslatib o‘tamiz, Fransiya ommaviy axborot vositalariga ko‘ra, Telegram asoschisi Pavel Durov Parijda hibsga olindi. Matbuotining yozishicha, Fransiya fuqaroligiga ega Durov mamlakatda qidiruvga berilganlar ro‘yxatida bo‘lgan. Fransiya adliyasi Durovni bir qancha sabablarga ko‘ra, jumladan Telegram'ning mamlakat rasmiylari bilan hamkorlik qilishdan bosh tortgani sababli jinoyatlarga aloqador deb hisoblaydi.