TOShKENT, 19 avg — Sputnik. Prezident Shavkat Mirziyoyev Qoraqalpog‘iston Respublikasiga jo‘nab ketdi, deya xabar berdi davlat rahbari matbuot xizmati.
Safar davomida sanoat korxonalari, IT va ijtimoiy soha obyektlarini ko‘zdan kechirish, mahallalarda aholi hayoti bilan tanishish rejalashtirilgan. Yangi majmualar ishga tushirilib, navbatdagi loyihalar boshlanadi.
“20 avgust kuni Nukus shahrida O‘zbekiston prezidentining tadbirkorlar bilan muloqoti bo‘lib o‘tadi”, — deb yozadi prezident matbuot kotibi Sherzod Asadov o‘zining Telegram-kanalida.