TOShKENT, 15 avg — Sputnik. Agar Ukraina Qurolli kuchlarining Kursk viloyatidagi operatsiyasi muvaffaqiyatsiz yakunlansa, Vladimir Zelenskiyga Rossiyaga qarshi turishda hech narsa yordam bermaydi. Bu haqda Ukraina Oliy Radasi deputati Aleksandr Dubinskiy o‘zining Telegram-kanalida ma’lum qildi, deb yozmoqda RIA Novosti.
Dubinskiy tahlilchi Andreas Umlandning OAVda e’lon qilingan maqolasiga izoh berdi. Deputat ekspertning Zelenskiy ittifoqchilar tomonidan tinchlik muzokaralari bo‘yicha bosimi tufayli “azart o‘yinlar” o‘ynashga qaror qilgani haqidagi gapini qo‘llab-quvvatladi.
"Agar Kursdagi operatsiya muvaffaqiyatli bo‘lmasa, <...> Zelenskiyga hech narsa va hech kim yordam bermaydi", — dedi ukrainalik siyosatchi.
Dubinskiyning so‘zlariga ko‘ra, chegara hududidagi hujum Donbassdagi Pokrovskiy yo‘nalishida Ukraina mudofaasi qulashi bilan yakunlanishi mumkin. Shu bilan birga, Kursk viloyatiga hujum nafaqat harbiy xavf bilan to‘la, balki Zelenskiyga tinch yo‘l bilan hal qilishda xayoliy "afzalliklar" ham bermaydi.