Sputnik O‘zbekiston matbuot markazida Rossiya Federatsiyasining O‘zbekistondagi elchisi va Rossotrudnichestvo rahbari ishtirokida “Xotira poyezdi” loyihasida qatnashgan o‘zbekistonlik yoshlar bilan uchrashuv bo‘lib o‘tdi.
Loyihaning asosiy maqsadi MDH davlatlarining o‘rta maktab o‘quvchilarini Ulug‘ Vatan urushi tarixi bilan tanishtirish va ularga harbiy shon-sharaf maskanlarini ziyorat qilish imkoniyatini berishdan iborat.
Qayd etilishicha, o‘zbekistonlik yoshlar birinchi marta “Xotira poyezdi” loyihasida ishtirok etishdi. Ular Ulug‘ Vatan urushi tarixi bilan bog‘liq Belarus va Rossiyaning 13 ta shahrida bo‘lishdi.
Do‘stona va iliq muhitda yigitlar sayohat haqida, shuningdek, qanday his-tuyg‘ularni boshdan kechirganlari, qanday yangi narsalarni o‘rganganlari va kelajakda qayerga borishni xohlashlari haqida suhbatlashishdi.
"Ikkinchi jahon urushi, Ulug‘ vatan urushi tarixi haqida biror narsa o‘rganganmisiz? Bu borada Shavkat Miromonovichga rahmat. U Ulug‘ Vatan urushi tarixi, qahramonlar xotirasiga bag‘ishlangan Shon-sharaf muzeyi va G‘alaba bog‘ini ochdi. Borib ko‘rganmisiz? Bu tarix bu yerda bejizga saqlanmaydi. Bu yerda faxriylar bor, faxriylar uyushmasi ham bor, — dedi Rossiya Federatsiyasining O‘zbekistondagi elchisi Oleg Malginov.
Bu yil “Xotira poyezdi” yo‘lovchilari Belarus, Rossiya, Qirg‘iziston, Armaniston, Qozog‘iston, Ozarbayjon, Tojikiston va O‘zbekistondan taxminan 200 kishidan iborat bo‘ldi.
Bunday qiziqarli ekspeditsiyadan so‘ng ko‘plab maktab o‘quvchilari Rossiyaga yana tashrif buyurishni rejalashtirmoqda. Ulardan ba’zilari allaqachon talabalar. Maktab o‘quvchilariga O‘zbekistondagi Rus uyi loyihalari haqida ham ma’lumot berildi.
Toshkentdagi Rus uyi ularga Rossiya universitetini tanlashda yordam berishi mumkin. Irina Staroselskaya “Rossotrudnichestvo”ning O‘zbekistondagi madaniy-ma’rifiy loyihalari haqida gapirdi.
Batafsil — Sputnik O‘zbekiston videosida.