TOShKENT, 5 avg — Sputnik. Sputnik O‘zbekiston matbuot markazida “Qozog‘iston va O‘zbekiston – qo‘shnilar, do‘stlar va raqobatchilar: munosabatlar qanday mustahkamlanadi” mavzusida videoko‘prik bo‘lib o‘tdi.
Unda Ostonadan “Yevroosiyo monitoringi” tahliliy tadqiqotlar markazi direktori Alibek Tajibev, Jahon iqtisodiyoti va xalqaro munosabatlar instituti direktori Akimjan Arupov, shuningdek, Toshkentdan Fanlar akademiyasi Davlat va huquq instituti katta ilmiy xodimi Ravshan Nazarov ishtirok etdi.
Ekspertlar ikki davlat o‘rtasidagi hamkorlik, qozoq-o‘zbek tandemi kabi masalalarni muhokama qilishdi.
Eslatib o‘tamiz, 7-avgust kuni O‘zbekiston prezidenti Shavkat Mirziyoyevning Ostonaga davlat tashrifi rejalashtirilgan. Uning Qozog‘iston-O‘zbekiston biznes-forumida ishtirok etishi kutilmoqda.