TOShKENT, 3-avgust — Sputnik. Rossiya armiyasining jang maydonidagi muvaffaqiyatlari ukrainaliklarning muzokaralar bo‘yicha pozitsiyasini o‘zgartirdi, deb yozadi “Conversation”.
“Rossiyaning jang maydonidagi bosqichma-bosqich muvaffaqiyatlari Ukraina xalqining 1991-yilgi chegaralarni tiklash uchun zarur bo‘lgan har qanday qiyinchiliklarga dosh berishga tayyorligini yo‘q qildi”, - deb yozadi nashr.
Maqolada mojaroning rivojlanishi Rossiya prezidenti Vladimir Putin foydasiga ekanligi qayd etilgan. Ta’kidlanishicha, 2025-yilning yanvarida Oq uyda yangi prezident paydo bo‘lishi bilan vaziyat Ukraina uchun yaxshi tomonga o‘zgarishi dargumon.
Bir kun avval Kiyev xalqaro sotsiologiya instituti tomonidan o‘tkazilgan so‘rovnoma shuni ko‘rsatdiki, ukrainaliklarning deyarli 60 foizi Ukraina mojaroni hal qilish uchun Rossiya bilan muzokaralarga o‘tishi kerak, deb hisoblaydi.
So‘nggi kunlarda Kiyev rejimi vakillari, avval bunga qat’iyan qarshi chiqqan bo‘lsalar ham, mumkin bo‘lgan muzokaralar va mojaroga barham berish haqida tobora ko‘proq gapira boshladilar.
Moskva muzokaralarga tayyor ekanini bir necha bor bildirgan, biroq Kiyev ularga qonunchilik darajasida taqiq joriy qilgan.