TOShKENT, 19-iyul – Sputnik. Oq uy rahbari Jo Bayden hafta oxirida, ehtimol, yakshanba kuni saylovdan chiqishini rejalashtirmoqda, deb xabar qildi "Newsmax" telekanali sharhlovchisi Mark Xelperin Demokratik partiyadagi manbalarga tayanib.
"Uning chiqish nutqi allaqachon tayyorlab qo‘yilgan. U prezident bo‘lib ishlashda davom etadi. Men tushunganimdek, u o‘z vorisi sifatida vitse-prezident Kamala Xarrisni ham ko‘rsatmaydi. Ular yangi nomzod ochiq tanlov jarayonda tanlanishiga umid qilishmoqda. Bu tanlovda vitse-prezident Kamala Xarris ham ishtirok etishi mumkin", - dedi dedi sharhlovchi.
Demokratik partiyaning milliy qurultoyi 19-22 avgust kunlari Chikagoda bo‘lib o‘tadi.
Bayden Donald Tramp bilan debatda muvaffaqiyatsizlikka uchraganidan so‘ng demokratlar orasida boshqa nomzod ko‘rsatishga chaqiriqlar kuchaymoqda. Xarris asosiy da’vogar deb hisoblanadi.
Amaldagi prezidentning o‘zi ham oxirigacha borish niyatida ekanini aytdi, uning fikricha undan yaxshiroq nomzod yo‘q. Shu bilan birga, u Xarris ikkinchi muddatini to‘liq bajarishga qodir bo‘lmasa, davlat rahbari lavozimini egallashga mutlaqo tayyor ekanligini ta’kidlaydi.
Agar Bayden nomzodi rasman tasdiqlanmaguncha poygadan voz kechsa, yangi nomzodni tanlash tartibi deyarli o‘zboshimchalik bilan bo‘ladi – hali tasdiqlanmagan nomzodga vorisni tayinlash mexanizmi shunchaki yo‘q. Bunday holda Demokratlarning Chikagodagi qurultoyida delegatlarning to‘rt mingga yaqin ovozining ko‘pchiligini olgan kishi nomzodlikni qo‘lga kiritadi. Agar birinchi turda g‘olib aniqlanmasa, ovoz berishga 700 superdelegat qo‘shiladi – bular eng sharafli va mashhur demokratlar, sobiq prezidentlar va kongressmenlardir. Ularning ovozlari hal qiluvchi bo‘ladi.