TOShKENT, 18-iyul — Sputnik. Ko‘ksaroy qarorgohida O‘zbekiston prezidenti Shavkat Mirziyoyev va Qirg‘iziston prezidenti Sadir Japarovning tor doiradagi uchrashuvi bo‘lib o‘tdi.
Unda ikki davlat rahbarlari hamkorlikning dolzarb masalalarini ko‘rib chiqishdi. Xususan:
Keng qamrovli strategik sheriklikni chuqurlashtirish va kengaytirish to‘g‘risida Qo‘shma bayonot imzolash;
Hamkorlikning yangi iqtisodiy kun tartibini shakllantirish;
Tovar ayirboshlash hajmini 2 milliard dollarga yetkazish;
Qayta tiklanuvchi energiya manbalari, avtomobilsozlik va to‘qimachilik sohalarida kooperatsiya loyihalari ishga tushiriladi.
Strategik mintaqaviy loyihalar: "Xitoy - Qirg‘iziston - O‘zbekiston" temir yo‘li va Qambarota GES-1 qurilishi masalalari;
Chegaraoldi viloyatlar hokimlari kengashi doirasida yanada kengaytirish muhimligini ta’kidladilar.
Shuningdek, qishloq va suv xo‘jaligi, ekologiya, xavfsizlik va madaniy-gumanitar almashinuv masalalari ham muhokama qilindi.