TOShKENT, 9-iyul — Sputnik. Sputnik O‘zbekiston multimedia markazida "YeOII mamlakatlari bioxavfsizligi" mavzusidagi Moskva - Ostona - Bishkek - Yerevan - Minsk - Toshkent videoko‘prigi o‘tkazildi. Unda Rossiya Fanlar akademiyasi akademigi, Rossiya ta’lim akademiyasi prezidenti o‘rinbosari Gennadiy Onishenko ishtirok etdi.
Ekspertlar yozgi ta’tilda ehtiyot bo‘lish kerak bo‘lgan kasalliklar, sil va botulizmga qarshi yangi vaksinalar, Ukrainadagi vabo epidemiyasi bilan bog‘liq vaziyat va infeksiyaning qo‘shni davlatlarga tarqalish ehtimoli kabi savollarga javob berishdi.
Shuningdek, Armanistonda organ donorlari va qabul qiluvchilar reyestrini joriy etish bo‘yicha amalga oshirilayotgan ishlar, shuningdek magnit bo‘ronlarning inson salomatligiga ta’siri haqida ham so‘z bordi.