TOShKENT, 7-iyul — Sputnik. Kengayishdan keyin BRIKS global ishlarda yanada muhimroq rol o‘ynaydi. Bu haqda Rossiyaning Xitoydagi elchisi Igor Morgulov ma’lum qildi, deb yozmoqda RIA Novosti.
Morgulov Pekinda bo‘lib o‘tgan 12-Jahon tinchlik forumida nutq so‘zlab, 1-yanvardan Rossiya tashkilotga yangi a’zolarning qo‘shilishi bilan boshlangan BRIKSning kelgusi yil uchun raisi bo‘lgani, Rossiya Federatsiyasi, Braziliya, Hindiston, Xitoy va Janubiy Afrikadan tashqari, endi unga Misr, Efiopiya, Eron, BAA va Saudiya Arabistoni ham kirishini eslatib o‘tdi.
"Kengaytirilgan guruh, shubhasiz, global ishlarda yanada muhimroq rol o‘ynaydi va rivojlanayotgan dunyoning ovozini baland va aniq eshitish imkonini beradi", — dedi Morgulov.
Barcha yangi a’zolar qo‘shilgandan so‘ng, BRIKSga a’zolik 3,6 milliard aholiga ega bo‘lgan o‘nta davlatga kengaydi, bu esa butun dunyo aholisining deyarli yarmini tashkil etadi. Bu davlatlar ulushiga jahon neft qazib olishning 40% dan ortig‘i va jahon tovarlari eksportining chorak qismi to‘g‘ri keladi.