Qirg‘izistonda hukumatni kuch bilan egallab olishning oldi olindi

TOShKENT, 5-iyul — Sputnik. Qirg‘izistonda navbatdagi hukumatni kuch bilan egallab olishga bo‘lgan urinishning oldi olindi. Bu haqida respublika ️Milliy xavfsizlik davlat qo‘mitasi xabar qildi.

Buzg‘unchi guruh odamlarning o‘limi bilan ommaviy tartibsizliklar uyushtirish va hokimiyatni egallab olishni rejalashtirgan, dedi departament.

Qo‘zg‘atilgan jinoyat ishi doirasida besh kishi hibsga olingan.

Tintuv chog‘ida ulardan qo‘lbola bombalar, qurol-yarog‘lar, o‘q-dorilar, o‘q o‘tkazmaydigan jiletlar, ratsiya, politsiya kiyimlari, dronlar, ekstremistik adabiyotlar topilgan.

Xavfsizlik qo‘mitasi tafsilotlarni keyinroq e’lon qilishga va’da bergan.