TOShKENT, 4-iyul — Sputnik. Shanxay hamkorlik tashkiloti (ShHT) tinchlikka erishish qudratiga ega, Birlashgan Millatlar Tashkiloti (BMT) terrorizmga qarshi kurashda ShHT bilan hamkorlik qilishga tayyor. Bu haqda BMT bosh kotibi Antoniu Guterrish Ostonadagi "ShHT plyus" formatidagi uchrashuvda ma’lum qildi.
Antoniu Guterrish ShHTni dunyodagi eng yirik mintaqaviy tashkilot deb atadi.
“Dunyodagi eng yirik mintaqaviy tashkilot – ShHT tinchlikka intilish kuchi va mas’uliyatiga ega", — dedi BMT bosh kotibi.
Bosh kotib “BMT butun dunyo bo‘ylab terrorizmga qarshi kurash bo‘yicha ShHT bilan hamkorlik qilishga tayyor”, deb ishontirdi.