TOShKENT, 2-iyul — Sputnik. Yevrosiyo iqtisodiy komissiyasining (YeIK) sanoat siyosati departamenti direktori o‘rinbosari Georgiy Arzumanyan Belarus va Rossiya mintaqalarining XI forumida Yevroosiyo iqtisodiy ittifoqida (YeOII) sanoat loyihalarini moliyalashtirishning yangi mexanizmini taqdim etdi, deb xabar berdi YeIK matbuot xizmati.
U YeOIIda iqtisodiyotning real sektorida qo‘shma tashabbuslarni qo‘llab-quvvatlash bo‘yicha millatlararo vositani ishga tushirish bo‘yicha amalga oshirilayotgan chora-tadbirlarni sanab o‘tdi. Huquqiy va meyoriy qo‘llab-quvvatlash, sohalarda qo‘shma kooperatsiya loyihalarini tanlash, tasdiqlash va amalga oshirish jarayonida asosiy yondashuvlar haqida so‘z yuritildi.
Zamestitel direktora Departamenta promishlennoy politiki Yevraziyskoy ekonomicheskoy komissii Georgiy Arzumanyan
© Press-slujba YeEK
“Sanoat tarmoqlarida qo‘shma kooperatsiya loyihalariga moliyaviy ko‘maklashishning yangi millatlararo mexanizmi YeOII mamlakatlari tadbirkorlari bilan hamkorlik doirasida hamkorlik salohiyatini aniqlash va amaliy amalga oshirishga qaratilgan hamda texnologik va industrial suverenitetni mustahkamlashga samarali hissa qo‘shishga imkon beradi”, — deb ta’kidladi Arzumanyan.
Bundan tashqari, u sessiya ishtirokchilarini Yevroosiyo texnologik platformalari bilan tanishtirgan holda, YeOIIda kooperativ hamkorlikni moliyaviy bo‘lmagan qo‘llab-quvvatlash vositasi haqida gapirdi.
“Yevrosiyo texnologik platformalari milliy sanoat majmualarining o‘zaro manfaatli innovatsion rivojlanishini rag‘batlantirish uchun a’zo davlatlarning ilmiy-texnikaviy va innovatsion, istiqbolli tijorat texnologiyalari, yuqori texnologiyali va raqobatbardosh mahsulotlarni yaratish va joriy etish sohalaridagi salohiyatini birlashtiradi” — deya tushuntirdi YeIK sanoat siyosati departamenti direktori o‘rinbosari.
U manfaatdor ishtirokchilarni, ayniqsa, hududlarda ushbu mexanizmning tafsilotlari bilan tanishtirishga tayyorligini aytdi, shuningdek, ularni 8-11 iyul kunlari Yekaterinburg shahrida bo‘lib o‘tadigan "Innoprom" xalqaro sanoat ko‘rgazmasida komissiya stendiga tashrif buyurishga taklif qildi.