TOShKENT, 23-iyun — Sputnik. Mo‘g‘uliston prezidenti Uxnaagiyn Xurelsux rafiqasi Bolorsetseg Luvsandorj hamrohligida mamlakatimizga tashrif buyurdi.
Toshkent xalqaro aeroportida Oliy martabali mehmonni O‘zbekiston bosh vaziri Abdulla Aripov va boshqa rasmiy rasmiylar kutib oldi.
Qisqa suhbatdan so‘ng, Mo‘g‘uliston prezidenti va uning turmush o‘rtog‘i tashrif dasturidan o‘rin olgan navbatdagi manzilga jo‘nab ketdi.
Eslatib o‘tamiz, O‘zbekiston prezidenti Shavkat Mirziyoyevning taklifiga binoan Mo‘g‘uliston prezidenti Uxnaagiyn Xurelsux 23-26 iyun kunlari davlat tashrifi bilan mamlakatda bo‘ladi. Tashrif davomida O‘zbekiston-Mo‘g‘uliston do‘stlik va ko‘p qirrali hamkorlik munosabatlarini yanada kengaytirish va mustahkamlash masalalari ko‘rib chiqiladi.