TOShKENT, 19-iyun — Sputnik. O‘zbekiston Texnik jihatdan tartibga solish agentligi va Belarus Standartlashtirish davlat qo‘mitasi o‘rtasida hamkorlik dasturi imzolandi, deya xabar berdi qo‘mita matbuot xizmati.
Belarus Davlat standarti raisi Yelena Morgunova va O‘zbekiston Texnik jihatdan tartibga solish agentligi direktori Akmal Jumanazarov o‘rtasida ishchi uchrashuv bo‘lib o‘tdi.
O‘zbekiston Texnik jihatdan tartibga solish agentligi Belarus Standartlashtirish davlat qo‘mitasi bilan hamkorlik qilmoqchi.
© Gosudarstvenniy komitet po standartizatsii respubliki Belarus
Tadbir davomida texnik jihatdan tartibga solish va standartlashtirish, metrologiya, muvofiqlikni baholash, akkreditatsiya va davlat nazorati yo‘nalishlari bo‘yicha o‘zaro hamkorlik nuqtalari belgilandi.
"Natijada O‘zbekiston Texnik jihatdan tartibga solish agentligi va Belarus Respublikasi Standartlashtirish davlat qo‘mitasi o‘rtasida 2024-2025 yillarga mo‘ljallangan hamkorlik dasturi imzolandi", — deyiladi xabarda.
O‘zbekiston Texnik jihatdan tartibga solish agentligi Belarus Standartlashtirish davlat qo‘mitasi bilan hamkorlik qilmoqchi.
© Gosudarstvenniy komitet po standartizatsii respubliki Belarus
Hujjat yigirmadan ortiq tadbirni o‘z ichiga oladi.
“O‘zbekistonlik hamkasblar uchun standartlashtirish bo‘yicha texnik qo‘mitalar ishini tashkil etish, davlat bozor nazorati, mutaxassislarning malakasini oshirishda Belarus tajribasi alohida qiziqish uyg‘otadi”, — deya qayd etilgan xabarda.
Uchrashuvlar 2024-yil 20-21 iyun kunlari Minsk shahrida bo‘lib o‘tadigan Standartlashtirish, metrologiya va sertifikatlashtirish bo‘yicha Davlatlararo kengashning 65-yig‘ilishi arafasida bo‘lib o‘tmoqda.