TOShKENT, 19-iyun — Sputnik. Toshkentdagi Sputnik matbuot markazida O‘zbekiston Sanitariya-epidemiologiya osoyishtaligi va aholi salomatligini muhofaza qilish qo‘mitasi raisining birinchi o‘rinbosari Nurmat Atabekovning Rossiya bilan hamkorlikka bag‘ishlangan hamda aholining sanitar-epidemiologik faravonligini ta’minlashga bag‘ishlangan matbuot anjumani bo‘lib o‘tdi.
Anjumanda O‘zbekiston va Rossiya o‘rtasidagi hamkorlik doirasida amalga oshirilayotgan loyihalar haqida so‘z bordi.
Shuningdek, aholi salomatligi va aholining xavfsiz yashash muhitini tashkil etish, inson organizmiga xavfli va zararli ta’sirini bartaraf etish va uning hayotiy faoliyati uchun qulay shart-sharoitlar yaratish borasida ikki davlat hamkorligining ustuvor yo‘nalishlar, Rossiya O‘zbekistonda bu borada qanday yangi tashabbuslar va loyihalarni ilgari surayotgani ham ko‘rib chiqildi.