Zoyir Mirzayev Tojikistonning So‘g‘d viloyatiga tashrif buyurdi

TOShKENT, 18-iyun — Sputnik. Toshkent viloyati hokimi Zoyir Mirzayev boshchiligidagi delegatsiyasi Tojikistonning So‘g‘d viloyatiga tashrif buyurdi.

So‘g‘dda O‘zbekiston delegatsiyasi milliy ashula va raqslar bilan samimiy kutib olindi.

Delegatsiya bugun “So‘g‘d-2024” savdo yarmarkasining tantanali ochilish marosimida ishtirok etdi, Zoyir Mirzayev u yerda nutq so‘zladi.

Tashrif davomida Toshkent viloyati va So‘g‘d violyati vakillari o‘zaro iqtisodiy sherikchilik munosabatlarini yo‘lga qo‘yish, savdo va tovar ayriboshlash hajmini yanada oshirish, ijtimoiy hamkorlikni kengaytirish, turizmni rivojlantirish masalalarini muhokama qilishdi.

Muzokaralar davomida yaqin vaqtda maktab va oliy ta’lim yo‘nalishida o‘zaro yaqin hamkorlik loyihalarini amalga oshirishiga kelishib olindi.

Shuningdek, turizm sohasidagi hamkorlik istiqbollari belgilab olindi.

Tashrif davomida o‘zbek, tojik tadbirkorlari ishtirokida B2B formatida muloqot o‘tkazilishi rejalashtirilgan.