TOShKENT, 18-iyun — Sputnik. Turkiya razvedka xizmatlari rossiyalik hamkasblariga "Krokus"dan keyingi teraktning oldini olishga yordam berdi, deb xabar qilmoqda "Hurriyet" gazetasi.
"Konsert zaliga qilingan birinchi hujumdan keyin terrorchi guruh gavjum savdo markaziga hujum qilishni rejalashtirgan. Turkiya razvedka xizmatlari Moskva bilan bog‘lanib, ikkinchi yirik hujumning oldini olishga yordam berdi", — deb yozadi gazeta.
Nashrning yozishicha, terakt Rossiyada taqiqlangan "Islom davlati"*ga aloqador bo‘lgan “Viloyat Xuroson*” terrorchi guruhi jangarilari tomonidan tayyorlangan.
Gazetaning qayd etishicha, turk razvedka xizmatlari yanvar oyi oxirida Istanbuldagi Avliyo Maram katolik cherkoviga uyushtirilgan hujumga aloqador bo‘lgan "Viloyat Xuroson*" tashkilotining mahalliy bo‘limi faoliyatini uzoq vaqtdan beri kuzatib kelgan.
Ushbu kuzatuv davomida razvedka xizmatlari bir qator shaxslarni aniqlagan va ularni so‘roqqa tutgan. Shundan so‘ng Rossiya tomoni bilan aloqa o‘rnatilgan.
Nashrning eslatishicha, Moskva yaqinidagi savdo markaziga hujum uyushtirganlardan ikki nafari teraktdan sal avval Turkiyaga tashrif buyurgan, bu haqda Rossiya huquq-tartibot idoralari ham ma’lum qilgan.
Eslatib o‘tamiz 2024-yilning 22-mart kuni Moskva viloyatidagi "Krokus-siti xoll" konsert zalidagi teraktda 144 kishi qurbon bo‘ldi, 551 kishi jarohatlandi. Teraktning to‘rt nafar bevosita ishtirokchisi qo‘lga olingan. Tergov ma’lumotlariga ko‘ra, ushbu jinoyatga yana besh kishi sherik.
Avvalroq Rossiya Xavfsizlik xizmati rahbari Aleksandr Bortnikov "Krokus"dagi teraktda Ukraina razvedkasining ishtiroki aniqlanganini ma’lum qilgan edi.
Eslatib o‘tamiz 2024-yilning 22-mart kuni Moskva viloyatidagi "Krokus-siti xoll" konsert zalidagi teraktda 144 kishi qurbon bo‘ldi, 551 kishi jarohatlandi. Teraktning to‘rt nafar bevosita ishtirokchisi qo‘lga olingan. Tergov ma’lumotlariga ko‘ra, ushbu jinoyatga yana besh kishi sherik.
Avvalroq Rossiya Xavfsizlik xizmati rahbari Aleksandr Bortnikov "Krokus"dagi teraktda Ukraina razvedkasining ishtiroki aniqlanganini ma’lum qilgan edi.
* Rossiyada taqiqlangan terrorchi tashkilotlar