TOShKENT, 16-iyun — Sputnik. Erta tongdan O‘zbekistondagi jome masjidlarida Qurbon hayiti namozi ado etildi, deb xabar qildi Sputnik O‘zbekiston muxbiri.
Qurbon hayiti musulmonlarning eng ulug‘ bayrami hisoblanadi.
Bu kun tong sahardan musulmonlar Qurbon hayiti namozini ado etishadi. Namozdan so‘ng qurbonlik qilinadi, bayram dasturxoni yoziladi. Qurbon hayiti kunlarida qarindosh-urug‘larni borib ko‘rish, yoru birodarlarni ziyorat qilish, beva-bechoralar holidan xabar olish kabi ishlar ushbu kunda savobi ulug‘ amallardan hisoblanadi.
Toshkentdagi “Hazrati Imom” masjididagi Qurbon hayiti namozi haqida batafsil — Sputnik O‘zbekiston materialida.