TOShKENT, 12-iyun — Sputnik. Orol dengizining qurigan tubi hududidagi qariyb 600 ming gektarlik maydonda birinchi marta noyob o‘simlik "Arundo donax" tajriba maydonida sinovdan o‘tkazilmoqda. Bu haqda Ekologiya, atrof-muhitni muhofaza qilish va iqlim o‘zgarishi vazirligi xabar berdi.
Shu kunlarda vazirlik tashabbusi bilan O‘rmon xo‘jaligi ilmiy-tadqiqot instituti professori Zinoviy Noviskiy boshchiligida ekish ishlari olib borilmoqda.
Na osushennom dne Arala visajivayut noviy vid rasteniy
© gov.uz
“Orol dengizining qurigan tubi hududida qariyb 600 ming gektarlik maydonda sho‘r va nam tuproqlarda o‘rmonzorlar barpo etish maqsadida birinchi marta noyob o‘simlik Arundo donax tajriba maydonida sinovdan o‘tkazilmoqda”, — deyiladi xabarda.
Hozirda o‘simliklar 1 oylik. Ular qurg‘oqchilikka chidamli bo‘lganligi bois og‘ir cho‘l sharoitida ham 4 metrgacha o‘sa oladi. Uni ekish jarayonida ko‘chatlar o‘rniga ildiz kurtaklari o‘tqaziladi.
“Bular Orol dengizining qurigan tubi uchun boshqa hududlardan olib kelingan. 1-2 yil ichida Orolning barcha hududlarida Arundo donax o‘simliklari ekiladi, chunki ildiz so‘rg‘ichlari tez unib chiqadi”, — deydi Zinoviy Noviskiy.
Na osushennom dne Arala visajivayut noviy vid rasteniy
© gov.uz
Ushbu o‘simlik tuzli shamollarning oldini oladi, uning poyasidan qurilish, to‘qimachilikda foydalaniladi, shuningdek, uni yem-xashak sifatida ham ishlatish mumkin.