TOShKENT, 6-iyun — Sputnik. Rossiyaning shimoliy poytaxtida Sankt-Peterburg xalqaro iqtisodiy forumining ochilish marosimi bo‘lib o‘tdi. 1997-yildan buyon yirik tadbir har yili xalqaro ekspertlar, siyosatchilar va yetakchilarni asosiy biznes va iqtisodiy masalalarni muhokama qilish uchun bir joyga to‘playdi.
Bu yil tadbir 5-8 iyun kunlari bo‘lib o‘tadi, uning asosiy mavzusi “Ko‘p qutblilik asosi yangi o‘sish markazlarini shakllantirish”.
Ochilish marosimida Sankt-Peterburg gubernatori Aleksandr Beglov, Vyetnam hukumati raisi o‘rinbosari Chan Liu Kuang, Rossiya Federatsiyasi bosh vazirining birinchi o‘rinbosari Denis Manturov, Markaziy Afrika Respublikasi bosh vaziri Feliks Molua, Yangi taraqqiyot banki rahbari Dilma Rusef, Salvador Respublikasi vitse-prezidenti Feliks Uloa, Bahrayn sanoat va savdo vaziri ishtirok etdi.
Forumning asosiy dasturi to‘rtta tematik blokni o‘z ichiga oladi. Ularning har biri PMEF 2024 ning ko‘p qutbli xalqaro tizimni qurish va global kuchlar muvozanatini saqlash bo‘yicha asosiy missiyasiga javob beradi.