TOShKENT, 2-iyun — Sputnik. Xitoyning “Chanye-6” zondi Oyning orqa tomoniga muvaffaqiyatli qo‘ndi, deb yozmoqda RIA Novosti.
Qo‘nish Janubiy qutb-Eytken havzasida joylashgan oldindan tanlangan hududda amalga oshirildi.
Xitoy Milliy kosmik boshqarmasi (CNSA) ma’lumotlariga ko‘ra, Changye-6 missiyasi Oyning retrograd orbitasida rejalashtirish va boshqarish texnologiyasida yutuqlarga erishdi.
Zondning qo‘nish qurilmasi eng mos joyni tanlash uchun 3D lazerli skanerlashdan foydalangan.
Modul dastlab Oy yuzasidan 100 metr masofada uchib turdi, shundan so‘ng u sekin vertikal tushishni boshladi. Dvigatel qo‘nishdan oldin o‘chirildi va zond erkin yiqilish holatida oyga muvaffaqiyatli qo‘ndi.
Agar missiya muvaffaqiyatli amalga oshirilsa, “Chanye-6" kosmik kemasi insoniyat tarixida birinchi marta Oyning narigi tomonidagi tuproqni Yerga yetkazadi. Rejaga ko‘ra, Yerga ikki kilogrammga yaqin tuproq namunalari olib kelinadi.