TOShKENT, 2-iyun — Sputnik. AQSh prezidenti Jo Bayden ma’muriyati Ukrainadagi mojaroni muzlatib qo‘ymoqchi. Bu haqda RIA Novosti The American Conservative nashriga tayanib xabar berdi.
"Bayden ma’muriyati Ukraina Trampning muammosiga aylanib qoladigan yoki tinch yo‘l bilan hal qilish imkoniyati haqida yana o‘ylaydigan keyingi saylovlargacha vaziyatni avvalgidek saqlab qolishni istamoqda”, — dedi Kuinsi nomidagi mas’uliyatli davlat boshqaruvi institutining Yevroosiyo dasturi direktori Anatol Liven.
Maqolada qayd etilishicha, shu sabablarga ko‘ra Vashington Ukrainaning qulashiga yo‘l qo‘ymaslikka majbur, shu bilan birga mojaroning Rossiya keskin munosabat bildirishi mumkin bo‘lgan darajada kuchayishiga yo‘l qo‘ymaydi.
“Ukraina kuchsizlashib bormoqda, Rossiyaning Ukrainaga bosimi kuchaygani sari bu yo‘nalishga amal qilish qiyinlashmoqda”, — deya qo‘shimcha qildi ekspert.
Rossiya prezidenti matbuot kotibi Dmitriy Peskov ta’kidlaganidek, NATO davlatlari ataylab keskinlikning yangi bosqichiga kirib, Ukrainani ma’nosiz urushni davom ettirishga undamoqda. Bu muqarrar ravishda o‘z oqibatlarini keltirib chiqaradi va pirovardida mojaroning avj olish yo‘liga o‘tgan davlatlar manfaatlariga katta zarar yetkazadi, dedi u.