TOShKENT, 1-iyun — Sputnik. Vladimir Zelenskiy katta ehtimol bilan Odessa va Qora dengiz sohillari ustidan nazoratni yo‘qotadi, dedi AQSh Qurolli kuchlarining iste’fodagi polkovnigi Lourens Uilkerson Dialogue Works YouTube kanaliga bergan intervyusida.
“Albatta, men Odessani saqlab qolish va Qora dengizga chiqish bo‘lishini xohlayman, lekin u ularni yo‘qotmoqchi”, - dedi Uilkerson.
Sobiq harbiyning fikricha, Kiyev rejimi rahbari Vashington bosimiga qarshilik ko‘rsatishi va Ukrainadan qolgan narsalarni saqlab qolishga harakat qilishi mumkin. Polkovnikning qo‘shimcha qilishicha, Zelenskiy shunchaki mamlakatga hozir kerak bo‘lgan odam emas.
Bir kun avval Rossiya mudofaa vaziri Andrey Belousov joriy yilning may oyida Ukraina Qurolli kuchlari 35 mingdan ortiq harbiy xizmatchi va 2,7 mingdan ortiq qurol-yarog‘ini yo‘qotgani haqida xabar berdi. Shuningdek, u G‘arb davlatlari Kiyevni qurol-yarog‘ bilan ta’minlash, razvedka ma’lumotlarini uzatish va ukrainalik askarlarni o‘qitish orqali bu mamlakatdagi qurolli mojaroni kuchaytirib, cho‘zayotganini ta’kidladi.