TOShKENT, 30-may — Sputnik. Bugun Sankt-Peterburgda Mustaqil Davlatlar Hamdo‘stligi (MDH) mamlakatlari Yoshlar parlamentlararo assambleyasi yig‘ilishi ish boshladi, deya xabar berdi tashkilot matbuot xizmati.
Yosh parlamentariylar MDH mamlakatlarida yoshlar tadbirkorligini rivojlantirish masalalari, jumladan yosh ishbilarmonlarni qo‘llab-quvvatlash chora-tadbirlari va tadbirkorlarning eng yaxshi loyihalari muhokama qilinadi.
Sankt-Peterburgda MDH Yoshlar parlamentlararo assambleyasi yig‘ilishi boshlandi
© press-slujba Parlamenti SNG
Tadbirda Ozarbayjon, Armaniston, Belarus, Qozog‘iston, Qirg‘iziston, Rossiya, Tojikiston va O‘zbekiston yosh parlamentariylari ishtirok etmoqda.
Yig‘ilishda MDH mamlakatlarida kichik va o‘rta yoshlar tadbirkorligini rivojlantirishda biznes hamjamiyatlari qanday rol o‘ynashi muhokama qilinadi.
Yosh parlamentariylar “Rus tili MDHda millatlararo muloqot tili” yiliga bag‘ishlangan “Yoshlar tarjimonlari” xalqaro tanlovi yakunlarini sarhisob qiladi. Tanlov komissiyasi Hamdo‘stlik davlatlarining 8 tilidagi 40 tadan ortiq ishni tanlab oldi.
Yig‘ilishda yoshlar siyosati sohasida atama va tushunchalar lug‘atini ishlab chiqish masalalari muhokama qilinadi hamda MDH PAning “Yoshlar xalqaro hamkorligiga qo‘shgan hissasi uchun” faxriy ko‘krak nishoni bilan taqdirlanishga nomzodlar ko‘rib chiqiladi.
Sankt-Peterburgda MDH Yoshlar parlamentlararo assambleyasi yig‘ilishi boshlandi
© press-slujba Parlamenti SNG
Belarus Milliy Assambleyasi Respublika kengashining Xalqaro ishlar va milliy xavfsizlik bo‘yicha doimiy komissiyasi a’zosi Aleksandr Lukyanov MDH Yoshlar parlamentlararo assambleyasi koordinatori etib saylandi.