TOShKENT, 28-may — Sputnik. Rossiya va O‘zbekiston Yevroosiyo iqtisodiy ittifoqi (YeOII) o‘rtasidagi o‘zaro hamkorlikni kengaytirish va rivojlantirish borasidagi ishlarni davom ettiradi. Bu haqda Kreml saytida e’lon qilingan Rossiya prezidenti Vladimir Putin va O‘zbekiston rahbari Shavkat Mirziyoyevning qo‘shma bayonoti matnida ma’lum qilindi.
“Tomonlar savdo-iqtisodiy va hamkorlik aloqalarini yanada chuqurlashtirish maqsadida O‘zbekiston va Yevroosiyo iqtisodiy ittifoqi o‘rtasidagi o‘zaro hamkorlikni kengaytirish va rivojlantirish bo‘yicha hamkorlikni davom ettiradi”, — deyiladi hujjatda.
Ma’lumot uchun, O‘zbekiston bugun YeOIIda kuzatuvchi maqomga ega.
Eslatib o‘tamiz, Shavkat Mirziyoyev 8-may kuni kuzatuvchi davlat rahbari sifatida Oliy Yevroosiyo iqtisodiy kengashining yubiley majlisida ishtirok etgan. Unda O‘zbekiston Hukumati va Yevroosiyo iqtisodiy komissiyasi o‘rtasida o‘rta muddatli istiqbolga mo‘ljallangan qo‘shma tadbirlarning yangi kompleks rejasini tayyorlash taklif qilingan.