TOShKENT, 27-may — Sputnik. Yevroosiyo iqtisodiy ittifoqida (YeOII) Rossiya rublidagi hisob-kitoblarning ulushi 81,3 foizgacha oshdi. Bu haqda Yevroosiyo iqtisodiy komissiyasi (YeIK) xabar berdi.
2023 yilda tovarlar va xizmatlar importi va eksporti bo‘yicha o‘zaro hisob-kitoblarda YeOII valyutalaridagi to‘lovlar ulushi 84,6 foizgacha oshdi.
2014 yilga nisbatan o‘sish deyarli 14 foiz punktni tashkil etdi. Bundan tashqari, Rossiya rublidagi hisob-kitoblar yil davomida 4,1 foiz punktga, Yevroosiyo iqtisodiy ittifoqida boshqa valyutalarda hisob-kitoblar ulushi 1,2 foiz punktga oshdi.
Shu bilan birga, dollarda hisob-kitoblar ulushi kamaydi: 26 foizdan 11 foizgacha. Rossiya rublidan tashqari, tengedagi hisob-kitoblarning ulushi sezilarli darajada oshdi: 0,5% dan 2,7% gacha.
YeOII mamlakatlari va dunyoning boshqa davlatlari o‘rtasidagi hisob-kitoblar ham Rossiya rublida amalga oshiriladi. Ularning eksport bo‘yicha to‘lovlardagi ulushi 39,7 foizni (2022 yilga nisbatan 10,5 foiz punktga o‘sgan), import bo‘yicha 31,2 foizni (o‘sish 0,9 foiz bandi) tashkil etdi.