TOShKENT, 26-may — Sputnik. Toshkentda O‘zbekiston bosh vaziri Abdulla Aripov va Moskva viloyati gubernatori Andrey Vorobyov o‘rtasida uchrashuv bo‘lib o‘tdi.
Vstrecha gubernatora Moskovskoy oblasti Andreya Vorobyova s premyer-ministrom Uzbekistana Abdulloy Aripovim
© Telegram/Vorobiev_live
Vorobyovning ma’lum qilishicha, uchrashuvda amalga oshirilgan qo‘shma loyihalar va yaqin kelajakdagi rejalar muhokama qilingan.
Dubnadagi Yadro tadqiqotlari birlashgan instituti orqali kadrlarni birgalikda tayyorlash shular jumlasidan.
“Kelgusidagi rejalarimiz - maxsus iqtisodiy zonalarimiz va sanoat parklari o‘rtasidagi o‘zaro hamkorlik”, - deya yozgan u o‘zining Telegram-kanalida.
Gubernatorning qo‘shimcha qilishicha, 27-may kuni bo‘lib o‘tadigan Rossiya va O‘zbekiston mintaqalar kengashida gumanitar, savdo va sarmoyaviy hamkorlik muhokama qilinadi.
“Podmoskovye uchun O‘zbekiston – azaliy hamkor. Shu bois maqsadimiz – shu kunlari yangraydigan barcha takliflarni rivojlantirish”, - deya xulosa qilgan Moskva viloyati rahbari.
Eslatamiz, Rossiya prezidenti Vladimir Putin 26-27 may kunlari davlat tashrifi bilan O‘zbekistonda bo‘ladi. Tashrif doirasida O‘zbekiston va Rossiya hududlari kengashining birinchi yig‘ilishi bo‘lib o‘tadi va unda prezidentlar ishtirok etadi.