Markaziy Osiyo davlatlarining Rossiya bilan gaz masalasida hamkorligi hayotiy zarurat. Bu haqda "Ma'no" tadqiqot tashabbuslari markazi direktori Baxtiyor Ergashev Sputnik O‘zbekiston matbuot markazida bo‘lib o‘tgan “Moskva-Ostona-Bishkek-Toshkent” videoko‘prigida ma’lum qildi.
Ekspertlar Markaziy Osiyo mamlakatlari va Rossiya o‘rtasida gaz sohasidagi hamkorlikning geosiyosiy va geoiqtisodiy jihatlaridagi yangi bosqich haqida so‘z yuritishdi.
Baxtiyor Ergashevning aytishicha, mintaqa mamlakatlari aholisi, iqtisodiyoti va energetika sektori o‘rtasida Rossiya gaziga ehtiyoj bor.
“Aholiga gaz kerak, o‘sib borayotgan iqtisodiyot esa bunga muhtoj. Barcha muammo va qiyinchiliklarga qaramay, Markaziy Osiyo mamlakatlari iqtisodiyotida sanoat, umuman iqtisodiyot, yalpi ichki mahsulot o‘sishi kuzatilmoqda”, — dedi ekspert.
Shu bilan birga, u Markaziy Osiyo davlatlari, jumladan, O‘zbekiston va Qozog‘istonda tabiiy gaz zaxiralari va qazib olish o‘sish tendensiyasi kuzatilmayotganini aytdi.
“Markaziy Osiyo mamlakatlari, jumladan, O‘zbekiston va Qozog‘istonning zaxiralari va ishlab chiqarish hajmi o‘sish tendensiyasiga ega emas. Demak, bu Rossiya bilan gaz masalasida hamkorlik qilish hayotiy zarurat ekanligini anglatadi”, — deya tushuntirdi Ergashev.
Rossiya, Qozog‘iston va O‘zbekiston o‘rtasidagi gaz bo‘yicha hamkorlikning istiqbollari qanday? Gaz tranzitida qanday o‘zgarishlar jiddiy geosiyosiy va geoiqtisodiy oqibatlarga olib keladi? Qaysi davlat katta hajmdagi gazni muqobil yetkazib beruvchi hisoblanadi?
Batafsil — Sputnik O‘zbekiston videosida.