TOShKENT, 21-may — Sputnik. Ostonada Shanxay hamkorlik tashkilotiga (ShHT) a’zo davlatlar Tashqi ishlar vazirlari kengashi ish boshladi, deya xabar berdi Sputnik Qozog‘iston.
Yig‘ilish doirasida ShHT Tashqi ishlar vazirlari kengashi yig‘ilishi ishtirokchilarining qo‘shma suratga tushishdi. Yig‘ilish Eron prezidenti va Eron tashqi ishlar vaziri xotirasi uchun bir daqiqalik sukut saqlash bilan boshlandi.
Shanxay hamkorlik tashkilotiga (ShHT) a’zo davlatlar Tashqi ishlar vazirlari kengashi yig‘ilishi.
© Sputnik / Sanat Imangaliyev
Ishtirokchilar ShHTga a’zo davlatlar rahbarlari kengashining bo‘lajak sammitiga tayyorgarlik ko‘rish, shuningdek, vazirlar “kengashning hozirgi holati va keyingi rivojlanish istiqbollari, shuningdek, xalqaro va mintaqaviy kun tartibidagi dolzarb masalalarni muhokama qilishadi.
“Yig‘ilish yakuni bo‘yicha hujjatlarni imzolash marosimi hamda ShHT bosh kotibi Chjan Minning matbuot uchun bayonoti rejalashtirilgan”, — deyiladi xabarda.
Tashqi ishlar vaziri Baxtiyor Saidov boshchiligidagi delegatsiya ham yig‘ilishida ishtirok etmoqda. Avvalroq Baxtiyor Saidov Xitoy tashqi ishlar vaziri Van I bilan Ostonada uchrashuv o‘tkazdi.
Ma’lumot uchun, Shanxay hamkorlik tashkiloti (ShHT) 2001-yilda tashkil etilgan xalqaro tashkilotdir. Unga Hindiston, Eron, Qozog‘iston, Xitoy, Qirg‘iziston, Rossiya, Tojikiston, Pokiston va O‘zbekiston kiradi. Kuzatuvchi davlatlar – Afg‘oniston, Belarus va Mo‘g‘uliston, hamkor davlatlar – Ozarbayjon, Armaniston, Kambodja, Nepal, BAA, Turkiya va Shri-Lanka.
2023 yil iyul oyida Nyu-Dehlida bo‘lib o‘tgan ShHT sammitida Eron tashkilotga to‘laqonli a’zo bo‘ldi. U yerda Belarus tashkilotga a’zo davlat maqomini olish uchun majburiyatlar to‘g‘risidagi memorandumni imzoladi. Shu yilning iyul oyida bo‘lib o‘tadigan sammitda Belarus ShHTning to‘laqonli a’zosiga aylanishi kutilmoqda.
Eslatib o‘tamiz, o‘tgan yilning 4-5 may kunlari Hindistonning Goa shtatida ShHT tashqi ishlar vazirining navbatdagi yig‘ilishi bo‘lib o‘tgan edi. Unda tinchlik va barqarorlikni ta’minlash, izchil taraqqiyotni qo‘llab-quvvatlash, hamkorlikni kengaytirish va boshqa ko‘plab masalalarni qamrab olgan ShHTning keng ko‘lamli kun tartibi ko‘rib chiqilgan.