TOShKENT, 19-may — Sputnik. AQSh prezidentligiga nomzod Donald Tramp Rossiya bilan ziddiyatni bartaraf eta olmaydi. Bu haqda AQSh armiyasining sobiq razvedkachisi Skott Ritter Dialogue Works kanaliga bergan intervyusida ma’lum qildi, deb yozmoqda RIA Novosti.
“Ruslar endi Tramp hokimiyatga kelsa, nima qiladi, deb uylashmoqda. Donald Tramp telefonni ko‘tarib, Putinga qo‘ng‘iroq qiladi va dunyoni qutqaradi, degan fikr bema’nilikdir. Tramp buni qila olmaydi. U silkinyapti va o‘ziga mahkamlangan. Men, Tramp nimanidir xal qiladi, deb o‘ylamayman”, — deydi tahlilchi.
Ritterning so‘zlariga ko‘ra, Tramp Rossiyaning o‘z rejasidan voz kechishiga o‘ta salbiy munosabatda bo‘ladi va o‘zining tinch pozitsiyasidan osongina voz kechib, xayoliy “Rossiya tahdidi”ga qarshi kurashishi mumkin. Bu xatti-harakat respublikachi nomzodni Qo‘shma Shtatlar uchun o‘ta xavfli qiladi, deya qo‘shimcha qildi u.
Ritter ta’kidlaganidek, amaldagi prezident Jo Bayden ma’muriyati barqaror tashqi siyosat kursiga amal qilmoqda va bu Moskva qo‘liga o‘ynaydi. Ehtimol, Rossiya aynan Bayden bilan muzokaraga rozi bo‘ladi.
"Agar biz Ukraina haqida gapiradigan bo‘lsak, menimcha, Ukraina inqirozi saylovlargacha va - agar Donald Tramp g‘alaba qozonsa - albatta, prezident sifatida qasamod qilishdan oldin hal qilinadi",—deya ishonch bildirdi sobiq razvedkachi.