TOShKENT, 9-may — Sputnik. O‘zbekiston prezidenti Shavkat Mirziyoyev Moskva shahriga amaliy tashrifi doirasida G‘alabaning 79-yilligiga bag‘ishlangan tantanali tadbirlarda ishtirok etdi.
Shavkat Mirziyoyev prinyal uchastie v torjestvennix meropriyatiyax v svazi s 79-y godovshinoy Pobedi vo Vtoroy mirovoy voyne.
© Press-slujba prezidenta Uzbekistana
Moskvaning Qizil maydonida G‘alaba paradi bo‘lib o‘tdi. Uni Belarus prezidenti Aleksandr Lukashenko, Qozog‘iston prezidenti Qasim-Jomart Toqayev, Qirg‘iziston prezidenti Sadir Japarov, Tojikiston prezidenti Emomali Rahmon, Turkmaniston prezidenti Serdar Berdimuhamedov, Gvineya-Bisau Prezidenti Umaru Sisoku Embalo, Laos prezidenti Txonglun Sisulit va Kuba prezidenti Migel Dias-Kanel ham kuzatdi.
Shavkat Mirziyoyev prinyal uchastie v torjestvennix meropriyatiyax v svazi s 79-y godovshinoy Pobedi vo Vtoroy mirovoy voyne.
© Press-slujba prezidenta Uzbekistana
Tadbirdan so‘ng Mirziyoyev Rossiya prezidenti Vladimir Putin va boshqa davlatlar yetakchilari bilan birga Aleksandr bog‘idagi “Noma’lum askar” yodgorligiga gulchambar qo‘ydi.
Yodgorlik Ikkinchi jahon urushida Vatan uchun jonini fido qilgan turli millatlarga mansub millionlab askarlar, shu jumladan, o‘zbek o‘g‘lonlarining qahramonligi va jasorati ramzidir.
Prezidentlar bir daqiqalik sukut bilan askarlar xotirasiga hurmat bajo keltirdilar.
Marosim yakunida faxriy qorovul va orkestr tantanali ravishda saf tortib o‘tdi.
Shu bilan Rossiyaga amaliy tashrif yakunlandi. Aeroportda O‘zbekiston prezidentini Rossiya rasmiylari kuzatib qo‘ydi. Davlat rahbari Toshkentga jo‘nab ketdi.