TOShKENT, 4-may — Sputnik. Yevroosiyo iqtisodiy ittifoqida bojxona qonunchiligini tartibga solish yanada takomillashtiriladi. Bu haqda Yevroosiyo iqtisodiy komissiyasining Bojxona qonunchiligi va huquqni qo‘llash amaliyoti departamenti direktori o‘rinbosari Nurlan Baynazarov Olmaotadagi “YeSE Asia-2024” xalqaro konteyner forumida gapirdi.
YeIK vakili tadbir ishtirokchilariga Komissiya tomonidan Ittifoq mamlakatlari bilan birgalikda YeOII Bojxona kodeksiga o‘zgartirishlar kiritish bo‘yicha protokol loyihasi tayyorlanayotgani, yagona tranzit tizimini rivojlantirish haqida ma’lumot berdi.
Nurlan Baynazarovning so‘zlariga ko‘ra, “Strategiya-2025” doirasida Komissiya a’zo davlatlar bilan birgalikda yagona tranzit tizimi to‘g‘risidagi shartnoma loyihasini ishlab chiqdi. Hujjat Ittifoqning yagona bojxona tranziti tizimi faoliyatining asosiy tamoyillarini belgilaydi. Ayni paytda loyiha Ittifoq mamlakatlarida ichki tartiblardan o‘tmoqda.
“YeSE Asia” xalqaro konteyner forumi nufuzli kommunikatsion maydon bo‘lib, 2010-yildan buyon har yili xalqaro tashishni rivojlantirish, transport integratsiyasi, kompaniyalar o‘rtasida xalqaro hamkorlikni mustahkamlashga oid turli tadbirlarni o‘tkazib keladi.
Joriy yilda forumda turli mamlakatlardan, jumladan, YeOIIning qator davlatlari, Xitoy, O‘zbekiston, Tojikiston va boshqalardan 300 dan ortiq delegatlar ishtirok etdi.