TOShKENT, 29 apr — Sputnik. Ukraina prezidenti Vladimir Zelenskiy va AQSh o‘rtasidagi Kiyevni qo‘llab-quvvatlashni davom ettirish bo‘yicha muzokaralar katta xatodir. Bu haqda amerikalik tadbirkor Ilon Mask X ijtimoiy tarmog‘ida ma’lum qildi, deb yozmoqda RIA Novosti.
"Bu ahmoqlik", – deb yozgan u, shuningdek, mojaro hech qachon tugamasligidan xavotir bildirgan.
Zelenskiyning Kiyevni o‘n yil davomida qo‘llab-quvvatlash bo‘yicha AQSh bilan hamkorlik qilish haqidagi so‘zlariga e’tibor qaratgan tadbirkor Devid Saksning postiga Mask shunday javob bergan. Tadbirkorning so‘zlariga ko‘ra, 61 milliard dollarlik yordam paketi faqat boshlanishi va keyingi Amerikaning ikki prezidenti bu yo‘nalishni o‘zgartira olmaydi.
Kiyev rejimi rahbari avvalroq Vashington bilan muzokaralar xavfsizlik sohasida hamkorlik bo‘yicha ikki tomonlama kelishuv ustida ishlash doirasida olib borilayotganini aytgan edi. Shu bilan birga, uning ta’kidlashicha, Kiyevning maqsadi bu kelishuvni boshqa davlatlar bilan o‘xshash xavfsizlik bo‘yicha kelishuvlardan "kuchliroq" bo‘lishidir.
AQSh prezidenti Jo Bayden chorshanba kuni xorijiy ittifoqchilarga, jumladan, Rossiya bilan qarama-qarshilikni davom ettirish uchun 61 milliard dollar oladigan Ukrainaga yordam berish to‘g‘risidagi qonunni imzoladi. Pentagon, Bayden tegishli hujjatni imzolaganidan so‘ng, AQSh Ukrainaga bir milliard dollarlik paket bilan harbiy ta’minotni qayta tiklayotganini e’lon qildi.