Toshkentda YeOII va Rossiya Federatsiyasining O‘zbekiston bilan hamkorligini rivojlantirish, uzoq muddatli istiqbollar va mehnat migratsiyasi – Rossiya tashqi ishlar vaziri o‘rinbosari Mixail Galuzin ishtirokidagi matbuot anjumanida muhokama qilindi, deya xabar berdi Sputnik O‘zbekiston muxbiri.
Zamestitel glavi MID RF Mixail Galuzin
© Sputnik
“YeOII davlatlari va Rossiya, albatta, O‘zbekiston bilan Yevroosiyo iqtisodiy ittifoqida kuzatuvchi davlat sifatida munosabatlarni rivojlantirishga katta ahamiyat bermoqda. O‘zbekiston hukumati va Yevroosiyo iqtisodiy komissiyasi o‘rtasida maxsus memorandum mavjud bo‘lib, unga muvofiq hamkorlik rivojlanmoqda. U allaqachon o‘zaro manfaatdorlik mavjud bo‘lgan juda keng sohalarni qamrab oladi. Bu bojxona ma’muriyati, sanoat majmuasi va yana ko‘p narsalar”, — dedi Mixail Galuzin.
O‘zaro hamkorlik istiqbollari haqida gapirar ekan, vazir o‘rinbosari ularning ko‘pligi va uzoq muddatli ekanligini ta’kidladi. U, shuningdek, mavjud loyihalar haqida gapirdi.
“Jumladan, “Yevroosiyo Agroekspress” kabi muhim loyiha mavjud – bu O‘zbekistondan Rossiya va YeOIIning boshqa davlatlariga sanoat mahsulotlarini yetkazib berish uchun logistika infratuzilmasini yaratish loyihasidir. Shu bois Yevroosiyo Iqtisodiy Ittifoqi va uning tarkibiga kiruvchi davlatlar O‘zbekiston bilan eng yaqin hamkorlik tarafdori. Va biz bu hamkorlik yanada rivojlanishini kutamiz”, — dedi vazir o‘rinbosari.
Bundan tashqari, Galuzin mehnat migratsiyasi sohasidagi hamkorlik muhimligini ta’kidlab, u o‘zaro manfaatli bo‘lishi kerakligini aytib o‘tdi.
“Biz mehnat migratsiyasi muammolari sharoitida markaziy osiyolik hamkorlarimiz manfaatlarini hurmat qilamiz. Va birinchi navbatda, fuqarolari Rossiyaga mehnat faoliyati masalalari bo‘yicha kelgan davlatlarning hukumatlari, albatta, mehnat muhojirlarini mehnat kodeksiga, Rossiya qonunchiligiga rioya qilishga, shuningdek, bizning urf-odatlarimizni so‘zsiz hurmat qilishga yo‘naltiradi”, — deya qayd etdi u.
Rossiya O‘zbekiston va Tojikiston rahbariyati bilan birgalikda Rossiya Federatsiyasiga mehnat muhojirlarini yollash tizimli va uyushqoq bo‘lishini ta’minlash bo‘yicha faol ish olib bormoqda, deya qo‘shimcha qildi vazir o‘rinbosari.
Konferensiya davomida ular, shuningdek, kollektiv G‘arbning mutlaqo amalga oshirib bo‘lmaydigan orzusini ro‘yobga chiqarishga – Rossiyaga strategik mag‘lubiyatga uchratishga qaratilgan siyosati haqida so‘z bordi.
“G‘arbliklar qanchalik tasalli bermasin, Rossiyaning xalqaro maydonda yakkalanishi sodir bo‘lmagan va bo‘lishi ham mumkin emas edi. Bu illuziyalar. Dunyoning aksariyat qismi biz bilan va biz faol hamkorlik qilishda va o‘zaro manfaatli hamkorlikni davom ettirishda davom etamiz”, — dedi Galuzin.
Shuningdek, u o‘zbek do‘stlari va hamkasblari G‘arb jamoaviy qanday maqsadlarni ko‘zlayotganini yaxshi bilishiga shubha yo‘qligini ta’kidladi.
“Hozirda Markaziy Osiyo bo‘ylab tashrifni amalga oshirayotgan janob Kemeron, men tushunishimcha, shu yerda, Toshkentda edi. O‘zbekistonlik do‘stlarimiz va hamkasblarimiz jamoaviy G‘arb, jumladan Buyuk Britaniya qanday maqsadlarni ko‘zlayotganini juda yaxshi tushunishlariga shubham yo‘q. Maqsad – Rossiyaga maksimal darajada zarar etkazish, an’anaviy xorijiy hamkorlari va ittifoqchilarini Rossiyadan uzoqlashtirish. Kemeronning tashrifi ana shu maqsadlarni ko‘zlagan. Shunga ko‘ra, o‘zbekistonlik do‘stlarimiz rasmiy London niyatlarini yaxshi ko‘rib turganlariga ishonaman”, — dedi Galuzin.
Eslatib o‘tamiz, avvaloq O‘zbekiston Tashqi ishlar vaziri Baxtiyor Saidov va Rossiya Tashqi ishlar vazirligi rahbari o‘rinbosari Mixail Galuzin o‘rtasida uchrashuv bo‘lib o‘tgan edi. Tomonlar ikki davlat rahbarlari o‘rtasida erishilgan barcha kelishuvlarni o‘z vaqtida amalga oshirish masalalarini, shuningdek, O‘zbekiston-Rossiya strategik sherikligining keng ko‘lamli kun tartibini muhokama qilishdi.