TOShKENT, 27 apr — Sputnik. Bir kechada Krasnodar o‘lkasi va Qrim osmonida 68 ta Ukraina dronlari urib tushirildi, deb xabar qildi Rossiya Mudofaa vazirligi matbuot xizmati.
“O‘tgan kechada Kiyev rejimining Rossiya Federatsiyasi hududidagi obyektlarga samolyot tipidagi uchuvchisiz uchoqlar yordamida terrorchilik hujumlarini amalga oshirishga urinishlari to‘xtatildi. Krasnodar o‘lkasi hududida navbatchilik qilayotgan havo hujumidan mudofaa tizimlari 66 ta Ukraina dronini tutib oldi va yo‘q qildi, Qrim yarim orolida yana ikkita dron yo‘q qilindi”, — deyiladi xabarda.
Krasnodar o‘lkasi gubernatori Veniamin Kondratyevga ko‘ra, dushman dronlari infratuzilma obyektlari va neftni qayta ishlash zavodiga hujum qilishga uringan, qurbonlar yo‘q.
Slavanskiy tumani rahbari Roman Sinyagovskiyning aniqlik kiritishicha, mahalliy neftni qayta ishlash zavodi hududidagi distillash kolonnasi to‘qqizta dron hujumidan so‘ng shikastlangan.
Ukraina Qurolli kuchlari muntazam ravishda dronlar yordamida Rossiya hududidagi obyektlarga hujum qilishga urinadi va havo hujumidan mudofaa kuchlari ularning harakatlarini bostiradi.