TOShKENT, 25 apr — Sputnik. O‘zbekiston aholisining 9,4 foizi 60 yoshdan oshgan, deya xabar berdi Statistika agentligi.
Qayd etilishicha, 2024-yil 1-yanvar holatiga O‘zbekistonning doimiy aholisi tarkibida 60 yoshdan yuqori yoshdagilar soni qariyb 3,5 mln kishini tashkil etgan.
“Bu O‘zbekistonning jami doimiy aholisining 9,4 % ga yetgan”, — deyiladi xabarda.
Ma’lumot uchun, 2024-yil 1-aprel holatiga O‘zbekistonning doimiy aholisi qariyb 37 mln kishini tashkil etgan.