Innoprom faoliyati juda ijobiy baholanmoqda — Tatariston bosh vaziri o‘rinbosari

TOShKENT, 23 apr — Sputnik. Toshkentda to‘rtinchi bor “Innoprom. Markaziy Osiyo” xalqaro sanoat ko‘rgazmasi bo‘lib o‘tmoqda. Unga Tatariston Respublikasidan deyarli 150 kishi tashrif buyurdi. Stendda 53 ta kompaniya namoyish etilgan.

“Innoprom" ko‘rgazmasining bugungi faoliyati nihoyatda ijobiy baholanmoqda va o‘tgan yilga nisbatan erishilgan natijalar salmoqli, deb hisoblayman. Kelgusi yil u yanada ko‘proq meva berishi va biz unga yil bo‘yi tayyorgarlik ko‘ramiz, yangi loyihalarni taqdim etishga harakat qilamiz”, — dedi Tatariston bosh vaziri o‘rinbosari Oleg Korobchenko.

Vazir o‘rinbosari aytishiga ko‘ra, O‘zbekiston va Tatariston bugun birgalikda amalga oshirayotgan loyihalari nafaqat O‘zbekistonga, balkim Tataristonga ham yangi import bozorlariga chiqish uchun kerak. Bu hamkorlik ikkala tomon uchun ham daromadli.

"Ayni damda amalga oshirilayotgan ishlarga kelsak, bu “Grad” kompaniyasi o‘z hamkorlarini olib kelgan, Rossiyaning eng yirik qadoqlash kompaniyasi “Dana Feliks” O‘zbekiston bozoriga chiqishni o‘ylayapti. “Kosmetika” kompaniyasi O‘zbekiston bilan hamkorlikda loyihalar amalga oshirgan va bu yerda o‘z texnologiyalarini qo‘llashni rejalashtirmoqda", — deb qo‘shimcha qildi Korobchenko.

Uning so‘zlariga ko‘ra, Tatariston Rossiya va O‘zbekiston bilan birgalikda katta ishlarni amalga oshirmoqda. Bugungi kunda sanoat parklarini tashkil etish bo‘yicha qator loyihalar amalga oshirilmoqda.

“Bu, albatta, 2-yildan beri faoliyat yuritayotgan Chirchiqdir. Bugungi kunda hudud to‘liq band qilingan. Ikkinchi bosqichni ishlab chiqish allaqachon davom etmoqda. Bu Jizzaxdagi sanoat parki bo‘lib, hozirda deyarli 4000 kvadrat metr maydon tayyorlandi va tadbirkorlar va mijozlarni kutmoqda. Shuningdek, yana ikkita yangi loyiha – Buxoro va Navoiydagi sanoat parklari ishlab chiqilmoqda”, - deya ma’lum qildi u.

Maydonlar juda istiqbolli: aerodrom, temir yo‘l liniyasidan foydalanish imkoniyatlari mavjud va ishchi kuchida katta salohiyat mavjud.

“Eng muhimi - geografik joylashuv. O‘zbekistonda, xususan, xomashyo bazasi bilan bog‘liq yangi loyihalarni amalga oshirishda katta imkoniyatlar mavjud. O‘zbekistonda polipropilen xomashosi bor, neft-kimyo sanoati rivojlangan, uni yanada kengaytirish va biz hozir ko‘rib chiqayotgan istiqbolli loyihalar mavjud. Biz sanoat vaziri bilan shu mavzuda katta yig‘ilish o‘tkazdik. Unga sohadagi barcha korxona va kompaniyalar rahbarlar taklif etildi. Delegatlarimizdan, 50 taga yaqin kompaniya kelib, keng ko‘lamli muzokaralar olib bordi”, – deya qayd etdi u.

“Innoprom. Markaziy Osiyo” ko‘rgazmasi: kun tartibidan qanday tadbirlar joy olgan?

17 Aprel, 12:35

"Innoprom" faoliyati juda ijobiy baholanmoqda — Tatariston bosh vaziri o‘rinbosari