TOShKENT, 23 apr — Sputnik. AQSh Kongressi Ukraina armiyasiga qancha o‘q-dori va texnika kerakligini aniqlay olmayapti. Bu haqda RIA Novosti "Hill" nashriga tayanib xabar berdi.
Nashrga ko‘ra, senator Jeyms Devid Vens o‘tgan hafta hamkasblariga eslatma yo‘llab, Ukrainadagi mojaro AQSh ishlab chiqarishi mumkin bo‘lgandan ko‘proq texnika sarflayotgani, Kiyev esa yetarlicha odamni safarbar eta olmasligini aytgan.
X ijtimoiy tarmog‘ida senator 2023-yil mart oyida Ukrainaning sobiq mudofaa vaziri Aleksey Reznikov bilan "Financial Times" gazetasiga bergan intervyusiga ishora qildi, unda ukrainalik amaldor o‘z eslatmasida Vens bilan bir xil raqamlarni keltirdi.
“Mening argumentim shuki, Ukrainaga yordam tarafdorlari oddiy matematik voqeliklarga e’tibor bermayapti”, — deb yozdi amerikalik siyosatchi ijtimoiy tarmoqdagi sahifasida.
Kongressning anonim xodimlaridan biri nashrgaturli qo‘mitalardagi senatorlar uchun mavjud bo‘lgan ma’lumotlarda tafovutlar borligini aytdi. Uning so‘zlariga ko‘ra, Vens o‘z eslatmasida Kiyevga zarur bo‘lgan artilleriya snaradlari va "Patriot" tizimlari sonini oshirib ko‘rsatgan.
Kongress xodimi Pentagonning maxfiy ma’lumotlariga ishora qildi, ammo senatorlar ulardan foydalanishlari mumkin. Kongressning yana bir xodimi, o‘z navbatida, Ukrainaga yordam berish tarafdorlari, agar mavjud bo‘lsa, Venc qoidalariga qarshi argument bo‘lib xizmat qiladigan ma’lumotlarni nashr etishlari kerakligini ta’kidladi.