TOShKENT, 18 apr – Sputnik. AQSh va NATOning muodfaa masalalarida hamkorlikni rivojlantirish istagi O‘zbekiston va Rossiyaga do‘st bo‘lgan boshqa suveren davlatlar manfaatlariga foyda keltirmaydi, dedi Rossiya TIV rasmiy vakili Mariya Zaxarova.
“Ishonch bilan aytishimiz mumkinki, Qo‘shma Shtatlar va uning NATO bo‘yicha ittifoqchilarining hamkorlikni rivojlantirishga, ayniqsa mudofaa va xavfsizlik masalalarida, intilishlari — Rossiyaga do‘st suveren davlatlarning manfaatlariga hech qanday aloqasi yo‘q”, — dedi Zaxarova brifingda.
Uning ta’kidlashiga ko‘ra, NATOning yordam dasturlari mamlakat mudofaa sektorini amalda kuchaytirishga emas, balki blokning geosiyosiy ta’sirini kengaytirishga qaratilgan va bu haqida hech qanday illyuziya bo‘lmasligi kerak.
Avvalroq Fransiyaning Le Figaro gazetasi Mudofaa vazirligiga tayanib, NATO Toshkentda o‘zbek harbiylari uchun mashg‘ulotlar o‘tkazayotgani va tadbirlar 20-aprelgacha davom etishi haqida xabar bergan edi.
O‘zbekiston 1994-yilda NATO bilan “Tinchlik yo‘lida hamkorlik” hujjatini imzolagan edi. Uning asosida alyans bilan harbiy kadrlar tayyorlash, terrorizmga qarshi kurash, qurol-yarog‘ tarqalishiga qarshi kurash sohalarida hamkorlik qilinmoqda.
O‘zbekiston 1994-yilda NATO bilan “Tinchlik yo‘lida hamkorlik” hujjatini imzolagan edi. Uning asosida alyans bilan harbiy kadrlar tayyorlash, terrorizmga qarshi kurash, qurol-yarog‘ tarqalishiga qarshi kurash sohalarida hamkorlik qilinmoqda.