TOShKENT, 16 apr – Sputnik. Dushanba kuni Gruziya parlamentida “Xorijiy ta’sirning ochiqligi to‘g‘risida”gi qonun loyihasini ko‘rib chiqishga kirishdilar. Shu kuni Tbilisi markazida norozilik namoyishi boshlandi.
Gruziya parlamentida xorijiy agentlar haqidagi qonun ko‘rib chiqilayotganda mushtlashuv bo‘lib o‘tdi.
Xususan, 15-aprel kuni kechqurun esa Rustaveli xiyobonida parlament oldidagi sahna o‘rnatildi, unda faollar chiqish qilishdi. Namoyishda nodavlat notijorat tashkilotlari vakillari, ijodkorlar, siyosatchilar, talabalar ishtirok etdi.
Gruziyadagi xorijiy agentlar to‘g‘risidagi qonun
2023 yil 7-mart kuni Gruziya parlamenti xorijiy agentlar to‘g‘risidagi qonun loyihasini birinchi o‘qishda qabul qildi. Shundan so‘ng mamlakat poytaxtida ommaviy mitinglar boshlandi, ularni politsiya ko‘zdan yosh oqizuvchi gaz va suv purkagichlar yordamida tarqatdi. Ichki ishlar vazirligi ma’lumotlariga ko‘ra, o‘sha kunlarda namoyishlarda 133 kishi hibsga olingan. Keyinroq hukumat bu hujjatni parlamentdan qaytarib oldi.
3 aprel kuni hukmron “Gruziya orzusi” partiyasi bahsli qonun loyihasini qonunchilik palatasiga qayta kiritdi. Bu safar "xorijiy ta’sir agenti" atamasi o‘rniga "xorijiy kuch manfaatlarini ko‘zlaydigan tashkilot" tushunchasi qo‘llaniladi. Qolgan tarkib o‘zgarishsiz qoladi.
Tushuntirish xatida aytilishicha, tashabbus daromadi, xususan, 20 foizdan ortig‘i xorijdan kelgan notijorat yuridik shaxslar va ommaviy axborot vositalarini ro‘yxatdan o‘tkazishni nazarda tutadi. Bundan tashqari, "xorijiy kuchlar manfaatlarini" ko‘zlayotgan barcha tashkilotlar davlat reyestrida ro‘yxatga olinishi kerak.
Tbilisida qonun loyihasini chaqirib olish talabi bilan namoyishlar qayta boshlandi. Mahalliy muxolifat bu hujjat Rossiya hujjatining o‘xshashi ekanini da’vo qilmoqda. O‘z navbatida Kreml matbuot kotibi Dmitriy Peskov bu kabi bayonotlarni absurd deb atadi va xorijiy agentlarga qarshi kurash tizimini o‘ylab topgan birinchi davlat AQSh bo‘lganini eslatdi. Va endi bu butun dunyo amaliyotiga aylangan, deya qo‘shimcha qildi u.