TOShKENT, 15 apr — Sputnik. Yevroosiyo iqtisodiy komissiyasi (YeIK) kengashi Yevroosiyo iqtisodiy ittifoqi (YeOII) doirasida tartibga solinadigan mahsulotlarning Yagona ro‘yxatini sport jihozlari va anjomlarining ayrim turlari bilan to‘ldirdi, deb xabar berdi YeIK matbuot xizmati.
Ro‘yxatda futbol, mini-futbol, gandbol, xokkey uchun darvoza, o‘q otishga mo‘ljallangan sun’iy nishon hamda gimnastika jihozlari va inventarlari kiritilgan.
YeIKning texnik jihatdan tartibga solish bo‘yicha vaziri Valentin Tatariskiyning so‘zlariga ko‘ra, jismoniy faollik, jumladan, sport musobaqalari paytida jarohatlar kam uchraydi.
“Amaliyot shuni ko‘rsatadiki, sport anjomlari xavfsizligini ta’minlashning mavjud, ammo majburiy bo‘lmagan mexanizmlari, masalan, ixtiyoriy sertifikatlash muammoni bartaraf etmaydi. Komissiya kengashi tomonidan qabul qilingan qaror, albatta, vaziyatni yaxshilashga yordam beradi”, — dedi u.
Ayrim turdagi sport anjomlari va inventarlarini Yagona ro‘yxatga kiritish ularga qo‘yiladigan majburiy talablarni belgilashning huquqiy asosi hisoblanadi. Endi bunday talablar Ittifoqning texnik reglamentlarida yoki tegishli milliy huquqiy hujjatlarda belgilanishi mumkin.