TOShKENT, 13 apr – Sputnik. Yevroosiyo iqtisodiy komissiyasining sanoat siyosati departamenti vakillari Rossiya xalqlar do‘stligi universiteti (RUDN) Tashqi iqtisodiy xavfsizlik va bojxona ishi institutining “YeOII iqtisodiy strategiyalari: muammolar va innovatsiyalar” xalqaro ilmiy-amaliy konferensiyasida ishtirok etdi. Bu haqda Yevroosiyo iqtisodiy komissiyasi (YeIK) saytida xabar berildi.
Konferensiyada departament vakili Dmitriy Yaroshenko Yevroosiyo iqtisodiy ittifoqining sanoatlashtirish xaritasini, Yevroosiyo texnologik platformalarini shakllantirish va yuritish, davlatlararo dasturlarni amalga oshirish, Komissiyaning sanoat sohasidagi axborot-tahliliy faoliyati haqida ma’lumot berdi.
YeOII davlatlarining qo‘shma hamkorlik loyihalarini moliyalashtirishning yangi mexanizmi tinglovchilarda alohida qiziqish uyg‘otdi. Departament hududida faoliyat yurituvchi soha ekspert guruhlari doirasida ishlash uchun manfaatdor tomonlar taklif etildi.
Ma’lumot uchun, EIK va RUDN o‘rtasidagi kelishuvlar doirasida sanoat siyosati departamenti universitet bilan faol hamkorlik qiladi.