TOShKENT, 12 apr — Sputnik. Orenburgda suv toshqini rekord darajaga yetdi, aholi ommaviy evakuatsiya qilinmoqda, deb xabar bermoqda shahar ma’muriyati.
Ural darosida suv sathi 1129 santimetrga yetgan, bu bir kun avvalgiga nisbatan 69 santimetrga ko‘pdir. Suv toshqini xavfli darajadan (930sm) 199 santimetrga oshib ketdi.
"Shaharda sirena ovozlari eshitilmoqda. Ommaviy evakuatsiya amalga oshirilmoqda! Orenburgdagi suv toshqini bilan bog‘liq vaziyat o‘ta xavfli. So‘nggi 10 soat ichida Ural darosida suv sathi 40 santimetrga ko‘tarildi", — deyiladi xabarda.
"Uylaringizni zudlik bilan tark eting. Vaziyat og‘ir, vaqtni behuda o‘tkazmang", deb chaqirdi shahar meri.
12 aprel kuni ertalab viloyat markazidagi beshta mikrorayon, uchta aholi punkti va 21 bog‘dorchilik shirkati suv ostida qolgani haqida xabar berdi. Suv toshqini zonasida 2328 ta uy va 3792 ta tomorqa qolgan, 1521 kishi evakuatsiya qilindi, ulardan 319 nafari bolalar.
Janubiy Ural hududlari bu yil misli ko‘rilmagan toshqinlarga duch keldi. Eng qiyin vaziyat Orenburg viloyatida. 5-aprel, juma kuni Orskni Ural darosidan himoya qilgan to‘g‘on buzildi. Rasmiylar Eski shahar aholisini ommaviy evakuatsiya qilishni amalga oshirdi.