TOShKENT, 12 apr – Sputnik. Bugun Minskda bo‘lib o‘tgan yig‘ilishda MDH davlatlari tashqi ishlar vazirlari jurnalistlarning kasbiy faoliyati uchun xavfsiz sharoitlarni ta’minlash va ularning huquqlari buzilishining oldini olish bo‘yicha qo‘shma bayonotni qabul qildi, deb xabar beradi RIA Novosti.
Bundan tashqari, MDHga a’zo davlatlar tashqi ishlar vazirlari tomonidan MDHga BMT Bosh Assambleyasida kuzatuvchi maqomi berilganining 30-yilligi munosabati bilan bayonot qabul qilindi.
Yig‘ilish ishtirokchilari “1941-1945 yillardagi Ulug‘ Vatan urushidagi G‘alabaning 80-yilligi” yagona yubiley medalini ta’sis etish to‘g‘risidagi qarorni, shuningdek, delegatsiyalarning huquqiy maqomi to‘g‘risidagi konvensiya loyihasini keyinchalik davlat rahbarlari tomonidan ko‘rib chiqish uchun ma’qulladilar. Hamdo‘stlikka a’zo davlatlarga yuboriladi.
Yig‘ilishda 2025-yilda Ozarbayjonning Ganja shahri, 2026-yilda esa Qozog‘istonning Olmaota shahrini Hamdo‘stlikning sport poytaxti deb e’lon qilish to‘g‘risida qaror qabul qilindi.
Tomonlar, shuningdek, MDHga a’zo davlatlarning harbiy xavfsizlikni ta’minlash muammolarini tadqiq etish, oliy o‘quv yurtlari sporti, sud-huquq tizimi uchun kadrlarni tayyorlash, qayta tayyorlash va malakasini oshirish sohasidagi tayanch tashkilotlari to‘g‘risida qaror qabul qildilar.
Bundan tashqari, MDH doirasida tashqi ishlar vazirliklari o‘rtasida ko‘p darajali maslahatlashuvlar o‘tkazish rejasi va tashqi siyosat idoralari o‘rtasidagi sheriklik aloqalarini faollashtirish bo‘yicha harakatlar dasturini amalga oshirishning borishi ko‘rib chiqildi.