TOShKENT, 4 apr — Sputnik. MDH Bosh shtablari boshliqlari Moskvada bo‘lib o‘tgan yig‘ilishda qo‘shma havo hujumidan mudofaa tizimini takomillashtirishga alohida e’tibor qaratdilar.
Rossiya Qurolli kuchlari Bosh shtabi boshlig‘i Valeriy Gerasimov minalardan tozalash guruhlari tayyorlash masalasiga ham e’tibor qaratdi.
“MDH qo‘shma harbiy tizimlarni rivojlantirish bo‘yicha joriy va istiqboldagi vazifalar muhokama qilindi. Xususan, qo‘shma aloqa va qo‘shma havo hujumidan mudofaa tizimlarini takomillashtirish, shuningdek, milliy gumanitar minalardan tozalash bo‘linmalarini tayyorlash istiqbollariga ham e’tibor qaratildi", - dedi Gerasimov majlis yakunlari bo‘yicha jurnalistlarga.
"Shuningdek, MDH davlatlari harbiy qo‘mondonlariga zamonaviy qurollarga qarshi kurashga yondashuvlar haqida ma’lumot berildi, jumladan, uchuvchisiz apparatlariga qarshi kurash va maxsus harbiy amaliyotlar davomida minalardan tozalash vazifalarini bajarish tajribasi haqida”, - dedi Gerasimov.
Undan tashqari, Rossiya harbiy-sanoati korxonalari ishlab chiqargan zamonaviy qurol-yarog‘ turlari bilan tanishtirildi.